Kulturskulen inviterer igjen til open dag. Her frå 2018. (Arkivfoto)

Open dag i kulturskulen

Laurdag 12. september vil det vera Open dag på Kvinnherad kulturskule.

– Me inviterer alle born og unge som har spørsmål om dei faga vi kan tilby, og dei som kunne tenkje seg å prøve til dømes messingblås, fiolin, gitar eller trommer, melder inspektør i kulturskulen Silje Dyrseth Eide.

Artikkelen held fram under annonsen.

Kulturskulen har eit breitt undervisingstilbod med opplæring innan fagområda kunst, dans, musikk og teater. Det finst òg tilbod til spesielle grupper ved kulturskulen, born og vaksne med spesielle behov og ei ordning der ein kan søkja om friplass om ein til dømes har dårleg økonomi.

– Me har framleis nokre ledige plasser, så me håper mange vil ta turen innom dei flotte lokala våre. Nytt høvet til å få snakka med fleire lærarar og å prøve forskjellige instrument, oppmodar Eide.

Ho minner samstundes om at alle om må ta omsyn til smittevern, vaska og sprita hender, og halde avstand når ein vitjar kulturskulen.