Laurdag blir det open brannstasjon i Rosendal. (Arkivfoto)

Open brannstasjon

På laurdag vert det invitert til «Open brannstasjon» 350 stadar over heile landet, deriblant Rosendal brannstasjon.

Det er lagt opp som ein familieaktivitet, der barn og vaksne får opplæring i korleis ein kan sikra heimen mot brann. Konkurransar, sløkkjedemonstrasjonar og brannbilar er noko av det ein kan oppleva.

– Open brannstasjon har blitt ein fin tradisjon som gir oss eit unikt høve til å formidla brannførebyggjande bodskap til eit interessert publikum. Vi gler oss, og håpar mange kjem på besøk, seier Mette E. Vintertun, branningeniør i Kvinnherad brann og redning.