Sindre Omvik sletta i helga sin eigen rekord på 1500 meter. (Arkivfoto)

Omvik tilbake på sigerssporet

Etter eit tungt 2017 prega av skadar og sjukdom, var Sindre Omvik tilbake i kjent stil då han knuste all motstand i Fana sin Wintercross laurdag.

I konkurranse mot elleve mann, der i blant treningskamerat Benjamin Hus Ripel, la Sindre Omvik ut i eit kontrollert tempo på den fyrste av i alt fire rundar rundt Fana golfbane. Ikkje før klokka ringa for siste runde, og dei siste 800 av i alt 3200 meter stod for tur, at Omvik sat tempo i tet. Med seg fekk han Espen Roll Karlsen frå Gneist IL, som saman gav publikum ein flott duell inn mot mål. Men Omvik viste prov på gode spurteigenskapar og klokka inn som fyrstemann på tida 10.53. Seks sekund føre Roll Karlsen.

50 sekund etter Sindre kom Benjamin Hus Ripel i mål til ein sterk 8. plass.

Artikkelen held fram under annonsen.

– I 2016 var Benjamin i snitt eitt minutt og femti sekund bak Sindre i mål, målt ut frå konkurransane i Kvinnherad-karusellen. Men med seriøs trening sidan i haust har Benjamin teke lange, seriøse steg. Og no er det tydeleg at treninga fungerer, skriv Jostein Hatteberg i ei pressemelding.

Neste konkurranse for duoen vert 3000 meter innandørs i Bergen 21. januar. Før det er klart for innandørs-NM i Bærum 3. februar. Kor han blant anna skal opp mot Ingebrigtsen-brørne.