Ølve-utstilling til Folgefonnsenteret

Marius Tveit Nissestad

Marius Tveit Nissestad

marius@grenda.no

Publisert: 10. januar 2020, 11:29

Fotoutstillinga «Spor i Berg», som i sommar pryda veggane i bankbygget i Ølve, kjem til å henga på Folgefonnsenteret frå 15. januar av.

– Vi skal jobba med å få utstillinga på plass i byrjinga av neste veke, og no på fredag kjem Eva Røyrane for å hjelpa oss med montering, seier Margit Lund-Mikkelson i Kvinnherad turistinformasjon i ei pressemelding.

«Spor i Berg» er ein serie fotografi av fotograf Oddleiv Apneseth som viser spora etter arbeidet til hellehoggarar og gravesluskar i Ølve. Bileta er av bakstehellebrot og gruvedrift som fortel om hellehogging og bergverksdrift i Ølve, som er den eldste gruvebygda på Vestlandet.

Utstillinga har sidan hausten vore på Moster Amfi, men kjem 15. januar til Folgefonnsenteret. Her vert ho hengjande til 30. mars.