Olaløo opnar att
Tysdag kunne Inger Lise Bondhus melda at Olaløo i Sundal startar opp att.
– No har det seg slik at Olaløo opnar igjen for full drift. Me tenkjer frå pinsen 2020, står det å lesa på Facebooksida deira.
Artikkelen held fram under annonsen.
Gardsrestauranten har vore stengd sidan 2017, forutan lukka arrangement som til dømes konfirmasjonar.
– Håpar de har sakna Løo like mykje som oss. Me gler oss til oppstarten og til å treffa alle gamle og nye gjester! Velkomne i Løo, helsar ekteparet Inger Lise og Arild Lunde.
Olaløo på Bondhus i Sundal er ein låve frå 1821 som i 1994 vart fullrestaurert om til gardsrestaurant.
Inger Lise overtok drifta av serveringsstaden av mora Kjersti Bondhus tilbake i 2011. Ho hadde då hatt drift i den gamle loven sidan 1995.