Ynskjer utvikling i alle delar av fylket

Fylkespolitikarane samlast til sete i Sogndal 16. og 17. mars. Her vart mellom anna SV sitt forslag om å ha ei folkeavstemming om Vestland si framtid drøfta. Fylkespolitikarane bestemte 17. mars at det ikkje blir noko folkeavstemming.

Saka var meldt inn til som ein interpellasjon av Åsmund Berthelsen i SV. Forslaget fekk berre 11 stemmer og fall.

Rigga for større oppgåver

I staden til å splitte opp fylket, var det stor semje om å vidareutvikla Vestland. Følgjande forslag vart vedteke med 42 mot 22 stemmer:

Vestland fylkeskommune er oppteken av å yte gode tenester til innbyggjarane og rigga fylket for større oppgåver. Auka kostnader med oppsplitting av tvangssamanslegne fylkeskommunar må ikkje gå ut over dei andre fylka.

Fylkesordførar Jon Askeland seier til Vestland fylkeskommune at fylket er til for innbyggjarane, og at vedtaka frå fylkestinget er ei klar oppmoding til staten.

– Hovudmåla i utviklingsplanen er at vi skal ha utvikling i alle delar av fylket, og at lokalsamfunna våre skal vere rammer for gode kvardagsliv. Og det jobbar vi for kvar dag, seier han.