Ynskjer tips om eldsjeler
Kjenner du nokon som fortener heider for innsatsen sin? Ein kan melda inn både enkeltpersonar og lokale foreiningar eller grupper som kandidatar til årets frivilligpris.
Veronica Thorsen i Frivilligsentralen skriv i ei pressemelding at dei ynskjer tips til kven som bør få ein pris for innsatsen sin.
- Prisen vert gjeve til den eller dei som gjennom sine idear og med sitt pågangsmot har betra trivnad og livskvalitet for andre, og medverka til eit meir ope, aktivt og trygt samfunn i Kvinnherad, skriv Thorsen
Annonse
Kandidatar må meldast inn innan 18. november, på e-post til Kvinnherad Kommune, med ei grunngjeving for at vedkomande bør få pris.
- Den/dei som mottek prisen vert invitert på middag og ei høgtidleg overrekking av prisen, kan Veronica Thorsen lova.
