Ynskjer nominasjonar
I fjor gjekk frivilligprisen til dei frivillige i Fjellhaugen skisenter. No ynskjer frivilligsentralen nominerte til årets pris.
Publisert
Sist oppdatert
«Frivilligprisen vert gjeve til ein initiativrik person, lokal foreining eller ei gruppe, som gjennom sine idear og med sitt pågangsmot har betra trivsel og livskvalitet for andre og medverka til eit meir ope, aktivt og trygt samfunn i Kvinnherad», skriv Veronica T. Thorsen i ei pressemelding.
Veit du om nokon som fortener ein slik påskjønning? Frivilligsentralen tek imot nominasjonar og ein kan senda forslaget sitt med grunngjeving på mail til frivilligsentralen innan 18.november.
Annonse
I fjor var det dei frivillige i Fjellhaugen skisenter som fekk prisen, og med god grunn.
– Fjellhaugen skisenter er eit område som er godt tilrettelagt og som kan nyttast av alle i heile kommunen. I løpet av eit år legg dei frivillige ned tusenvis av timar med innsats for at me alle skal kunne bruka Fjellhaugen-området til skisport, skileik, turglede, preparering, parkering, vakthald og mykje, mykje meir. Innsatsen som vert lagt ned er både eineståande, men og naudsynt for å halde skitrekket i gang, skreiv Frivilligsentralen i samband med tildelinga.
