Ynskjer betre tilhøve på Valøya

Etter at Ungdomsrådet og Eldrerådet hadde fått snakka til Kommunestyret førre torsdag, var det til slutt Rådet for menneske med nedsett funksjonsevne som fekk anledninga. Leiar Bård Steinkjer gjekk gjennom rådet sin handlingsplan i 22 punkt. Han la spesiell vekt på to saker. Fyrst friluftsområdet Valøya. Der ynskjer rådet at fôringsplassen for dyr vert flytta, i tillegg til betre tilkomst til badestranda og betre parkeringstilhøve for funksjonshemma.

Den andre saka gjaldt universell utforming i Husnes sentrum kring Lonabrotet. Her nemnde Bård Steinkjer både behov for ny merking av parkeringsplassar for funksjonshemma og fjerning av barrierar som hindrar framkomst.

– Ta éin dag med kommunen, så fiksar dei dette på ein halvtime, føreslo Øyvind Hardeland (Ap).