Ynskjer at næringslivet skal bidra
Kvinnherad Arena manglar eigentleg 10 millionar kroner på å vera fullfinansiert. Gunnar Våge (Sp) ynskjer at næringslivet i Kvinnherad skal vera med og dekka summen.
Publisert
Sist oppdatert
Dei 10 millionane vil kommunen no forskottera, men kommunedirektøren og styringsgruppa skal arbeida for å dekka dette via ekstern finansiering.
– Eg trur vi må utfordra næringslivet litt, for dei har sleppt billeg unna. Dei einaste som er med er BKK, som er inne med 1 million, elles er det ikkje nokon, sa Gunnar Våge til kommunestyret.
Annonse
Dette var Thorleif J. Hellesøy (Frp) djupt usamd i.
– Eg trur at næringslivet stort sett treng dei inntektene dei har. Eg vil nødig at dei skal tappast for deler av pengane sine. Det er rimeleg tøft å driva næringsverksemd i Kvinnherad. Eg vil be dykk tenkja alvorleg på dette, og ikkje påleggja bedriftene nokre krav, argumenterte han.
