Viste fram turistgründerar

Venstre sin fylkesordførarkandidat Åsta Årøen var førre veke på besøk i Kvinnherad for å bli betre kjent med kommunen. Ho fekk blant anna møta turistgründerar i Rosendal.

Ordførarkandidat for Venstre Kent Are Kjørsvik Petterson tok Årøen med seg til både næringssjefen og Galleri G Guddal. I mellom dei to avtalane var det til til eit besøk hos Tracy Kheder og Jarle Samuelsen i Destination Rosendal.

– Rosendal er ein turistdestinasjon, og det er interessant å køyra kva de gjer, korleis det fungerer og korleis de tenkjer, spurde Årøen interessert.

– Det er ein heilårsgeskjeft, sjølv om me berre har drift om sommaren, fekk ho til svar, før dei skisserte både mogelegheiter og utfordringar.

– Den norske bonden kan alt mogeleg, og er ein ressurs me prøver å nytta oss av, mellom anna som guidar. På den andre sida slit alle med å få tak i arbeidskraft, og deretter ein plass å busetja dei som skal jobba, oppsummerte paret.

– Me har fått kjempehjelp av Margit Lund-Mikkelson på turistkontoret, og ho har sytt for å ruta besøkande til oss.

– Det er utruleg kjekt å høyra om ein slik gründer-suksesshistorie, skrytte Årøen.

– Det har kome frå inspirasjon frå staden og menneska her, skrytte Kheder og Samuelsen tilbake, som ser for seg å bli verande i Rosendal.

– Me gjer dette fordi me liker å gjera dette.

– Kva kan fylkeskommunen gjera for dykk? spurde Åreøen.

– Me er amatørar i det byråkratiske, sa Jarle og slo ut med hendene.

– Det er fylkeskommunen som styrer med kollektivtrafikk og samferdsle. Fylkesvalet er såleis staden der veljarane kan påverka dette, meinte Årøen.

– Snøggbåten rett frå både Bergen sentrum og flyplassen er viktig for oss, fortel Samuelsen og nikkar mot Hardangerfjordekspressen.

– Det er viktig med god kontakt inn mot fylket og fylkestinget, slik at me har nokon som kan målbera våre ønske. Blant anna difor ynskjer me Venstre-representantar innvalde i fylkestinget, sluttar Petterson.