Viste fram ladeanlegg for Venstre-sjef

Det er ikkje lenge sidan hurtigladaren på kaien i Rosendal vart tatt skikkeleg i bruk, på sett og vis som eit samarbeid mellom Eviny og Plug. Tysdag var ein tidlegare minister på staden for å ta den grøne satsinga nærare i augesyn.

– Nullutslepp til sjøs noko som Norge kan gå i front på. Det er ikkje berre miljøvern, men representerer også nye arbeidsplassar ute i distriktet, meinte Venstre-leiaren Guri Melby om det ho fekk sjå.

Samferdsle

Venstre-leiaren var på ein liten rundreise, der Rosendal var første stoppet. Vidare gjekk turen ut til eit oppdrettsanlegg, før dei enda i Ulvik.

– Det er ein kombinasjon av næringsbesøk og lokallagsbesøk. Me ser på den grøne omstillinga på kysten, der ladeanlegg inngår som eit viktig steg i det å dempa utsleppa våre, forklarte Melby.

Der møtte ho og den lokale Venstre-leiaren Kent Are Kjørsvik Petterson Steinar Iversen og Marianne Helvik frå Eviny. Iversen nytta høvet til å skryta over Kvinnherad kommune.

– Dei har vore fleksible for å få på plass ladepunkt i Kvinnherad, som her på kaien i Rosendal, fortalte han til Melby.

Marianne Helvik supplerte:

– Utviklingssenteret vår i Dimmelsvik er noko som var eit forhandlingsspørsmål som Kvinnherad kommune fekk til i forhandlingane då Kvinnherad Energi skulle seljast til BKK.

Eks-ministeren nytta høvet til å slå eit slag for

– Fleire av oss har spesialiserte utdanningar, og kan ikkje ta alle typar jobbar, men med dagens teknologi kan ein jobbe heimefrå. Det er noko lokalpolitikarar kan sjå på i saman med bedrifter, og gjera noko saman som kan bidra til å gjera det attraktivt å bu her, samstundes som ein har ein jobb som er knytt opp mot ein annan stad, sa Melby.

– Samferdsle er viktig for å få det til å fungera, som båten der borte, sa Helvik og nikka mot snøggbåten som då låg til kai i Rosendal.

Kjørsvik Petterson påpeika for den nasjonale Venstre-leiaren at det også går båt frå sørenden av kommunen.

– Men frekvensen kunne også der vore hyppigare, la han til.

God reklame

No var ikkje Melby i Kvinnherad for å forvita seg om samferdsla aleine, men elektriske snøggbåtar blir eit av dei neste satsingsområda for å ta ned klimagassutsleppa.

– Det ligg i krava frå fylkeskommunen når nye kontraktar på snøggbåtruter skal fordelast, forklarte Kjørsvik.

– Å fasa inn ny teknologi lønner seg ikkje alltid i starten, men når det er noko ein har tru på, så må ein vera med og støtta det. Då kan me ikkje overlata heile kostnaden til dei som byrjar med det, meinte Melby, og eksemplifiserte med elbilar ogsolcellepanel på hustak.

Ladeanlegget eit produkt av samarbeid mellom Eviny, Enova og Eide Fjordbruk. Sistnemnde brukar heilelektriske båtar til å frakta passasjerar til og frå Salmon Eye.

– Å sjå det i bruk, er god reklame for at batteridrift fungerer også på båtar, slutta Melby.