Viltfond med søknadsfrist i mai
Søknadsfristen nærmar seg med stormsteg. 1. mai blir siste gong på fleire månader at du kan søkje om midlar frå viltfondet.
Om eit par månader er det siste dagen for å søkje om å få midlar frå viltfondet. Formålet med sjølve viltfondet er å skape ein god økonomisk bakgrunn for å fremme viltforvaltninga i kommunen og fylkeskommunen, skriv Kvinnherad kommune.
Viltfondsmidlar kan nyttast til blant anna tiltak for å førebyggje skadar på landbruksnæring påført av hjortevilt, å dekkje kommunen sine utgifter til handtering av skadd vilt og fallvilt, og til tiltak for å fremja viltforvaltning, styrke kunnskap om vilt og fremja jaktorganisering gjennom samarbeid i regi av organisasjonar, enkeltpersonar eller kommunen.
Annonse
Viltfondsmidlar kan ikkje nyttast til kommunal administrasjon av viltforvaltning, å erstatte skader forårsaka av vilt, og skotpremiar, går det fram av nettsidene til Kvinnherad kommune.
Søknadsfrist for å søkje viltfondet om desse midlane vert sett to gonger kvart år, 1. mai og 1. oktober. Allereie i dag kan du levere inn søknad. Søknaden må vere skriftleg og må innehalde ei utgreiing om tiltaket, kostnadsoverslag, kartfesting, foto, og kontaktperson for tiltaket. Dersom du ønskjer meir informasjon eller vil sende inn ein søknad, kan du besøke Kvinnherad kommune si nettside.
