Vil ikkje trekkje kravet
Kvinnherad kommune kunne ikkje sjå at det var kome ny informasjon i brevet frå Turgruppa i Rosendal Turnlag, og såg dimed ingen grunn til å gjere nye vurderingar i saka.
Publisert
– I traseen for tiltaket er det faresone for ras, aktsemdsone for ras og faresone for flaum. Etter plan og bygningslova § 28-1 skal kommunen sjå til at byggegrunn er tilstrekkeleg sikker mot fare og vesentleg ulempe av natur og miljøforhold, skriv kommunen i sitt svar 17. juni, og viser vidare til at desse reglane gjeld for heile landet.
– Om det er turstiar som ikkje får same dokumentasjonskrav i andre kommunar, så kan det vere fordi dette er mindre inngrep som vert vurdert som unntatt søknadsplikt eller at det er satt av til rett føremål og ikkje kjem i fareområde som her, skriv dei vidare.
Annonse
Avslutningsvis stiller kommunen seg positiv til slike gode engasjement for fellesskapet. Dei viser til at føremålet med kravet om rasrapport er å få vurdert den reelle faren, slik at konkrete sikringstiltak skal kunne gjennomførast dersom det vert vurdert som naudsynt.
Prosjektet har dei siste åra blitt tildelt pengegåver frå Sparebankstiftinga, SMIL-midlar og stønad frå SIM sitt miljøfond. Rasrapport frå området er bestilt, melder Turgruppa i Rosendal Turnlag.
