Vil ikkje tilbake på listene til AP

– Høgre fekk 9 mandat, SP fekk 8, AP 7, men dei mangla ei einaste stemma for å få åtta. Miljøpartiet dei grøne var den heldige vinnaren som fekk mandatet, og fekk då to. Sv fekk 3 mandat, Venstre 1, Frp 3, KrF 2 og INP vann ingen, oppsummerar Nygård.

Med seg som fyrste gjest har vi Hilde Enstad, som har to år som varaordførar, og to år som ordførar bak seg.

– Etter kommunestyrevalet i 2019 gjekk vi raskt i forhandlingar, då hadde vi eit fleirtal bak oss og allereie valkvelden sat vi oss ned og byrja diskutera. Ein må føla seg litt fram, bli betre kjent og få eit godt samarbeid, fortel Enstad.

Stortingsvalet i 2021 gjorde at Hans Inge Myrvold kom inn på Stortinget, som igjen gjorde at det vart eit tomrom.

– Det vart stor ueinighet om kven som skulle ta over. Ap diskuterte med H om eit reint valteknisk samarbeid, og utfallet gjorde at Enstad tok over som ordførar.

Vi ser tilbake på dei to fyrste åra.

– Vi fekk til ein del ting allereie på det fyrste budsjettet vi hadde. I mars i 2020 var det pandemi og Hans Inge reiste til stortinget som vikar.

Eg hugsar det sto noko om ei tillitsreform, er det ei av tinga som har falt litt vekk?

– Vi ville styrka samarbeidet med fagforeiningane, det fyrste steget vårt var at verneombod skulle få 100% stilling, ho hadde vingla mellom 50 og 70 prosent. Dei sakene som omhandlar heiltid er også ein del av den tillitsreformen. Vi er ikkje i mål, men vi jobbar konkret med fleire tilsette i større stillingar, fortel Enstad.

Du bestemte deg for at du ikkje ville stilla til gjenval, men du har klart å behalda det i familien likevel?

– Ja, det er ikkje mi forteneste. Vi hadde fleire kandidatar som vi drøfta, og når Thea kom inn i bildet fekk ikkje eg lov til å vera med i nominasjonskomiteen lenger, fortel Enstad og legg til;

– Thea har alltid vore politisk engasjert, og ho var med å starta opp igjen AuF i 2011, så ho har jobba med politikken i barndommen på mange måtar.

Det har jo vore veldig godt samarbeid i kommunestyret?

– Eg trur at ein suksessformel er at varaordførar har hatt ein 50% stilling. det gjer at han er involvert og ein kan jobba tett og han er med og påverkar prosessar. Det håpar eg at det nye kommunestyret tenkjer at er praktisk å føra vidare, seier Enstad.

Kan det tenka seg at du står på Arbeidarpartiet si lista igjen om fira år?

Nei. Nei no ser vi dette generasjonsskiftet i Kvinnheradpolitikken, og det meiner eg er bra, og eg har lyst til å vera med å rekruttera fleire unge politikarar, smiler Enstad.