Vil frå raud til grøn sone – løyver 5 mill. til forsking
Fylkespolitikarane ynskjer at fjordane i Vestland skal blitt flytta frå raud til grøn trafikklys-sone når det gjeld oppdrett. Men då må stoda betrast. Difor vert det no løyvd 5 millionar kroner til forsking.
Publisert
Det er i ei pressemelding frå Vestland Senterparti nyhendet kjem fram.
«Havbruk er ei viktig næring i Vestland, med stor verdiskaping og mange arbeidsplassar i kystsamfunna. Etter initiativ frå Sigrid Brattabø Handegard (Sp) og Trude Brosvik (KrF) har samarbeidspartia (Sp, Ap, KrF, V, SV og MdG) løyvd 5 millionar ekstra til forsking for å sjå kva ein saman med næringa kan gjera for at Vestland skal kome frå raud til grøn sone i trafikklyssystemet», står det.
Annonse
Trafikklyssystemet regulerer mogelegheitene for vekst. Vestland er i raud, noko som gjer at oppdrettsnæringa får nedtrekk i produksjonsvolumet på 6% annakvart år.
«Eit slikt nedtrekk tar ikkje ned næringa nasjonalt, men flyttar arbeidsplassar og næring frå vårt område til andre», står det.
Luseproblematikken
– Vestland får relativt store midlar frå havbruksfondet, og fleirtalspartia meiner det derfor er rett å bruka deler av midlane til å vidareutvikla næringa. Eit kunnskapsbasert grunnlag på situasjonen for villaks og sjøaure, og tiltak i næringa, er viktig for oss å bidra til ,seier fylkestingsrepresentantane Brosvik og Handegard i pressemeldinga.
Annonse
Det vert understreka at næringa sjølv er avhengig av at drifta tilfredsstiller miljøkrav, og at dei tek hand om luseproblematikken og styrker omdømet.
Midlane skal brukast i samråd med næringa.
