Vil flytta helsesenteret
Ove Lemicka (FrP) kom med forslag om å flytta helsesenteret til det påtenkte seniortunet i Husnes sentrum under formannskapet på torsdag.
I budsjettframlegget til kommunedirektøren er det sett av åtte millionar til oppussing av Husnes helsesenter. Lemicka bad ordføraren om å gjennomføra ei vurdering av moglegheita om det kan vera hensiktsmessig å flytta Husnes helsesenter til første etasjen i det påtenkte seniortunet i Husnes sentrum.
Artikkelen held fram under annonsen.
– Dette vil bidra og byggja opp om seniortunet og auka moglegheitene for realisering, samt frigje ein etasje i Husnestunet som i tilfelle kunne husa ei ny avdeling – som igjen vil kunna byggjast ut med statleg delfinansiering, sa Lemicka.
– Vi tek med oss signalet, men dette er utanfor min sektor å svara på, svarte sektorleiar Sigbjørn Øye.