– Viktigaste for oss er å få Hans Inge inn på tinget
– No jobbar me dag og natt for å få inn Hans Inge, seier Kjersti Toppe om tredjekandidaten sin.
Publisert
Sist oppdatert
– Klarer me det, vil det styrka vår posisjon, det vil gjera regjeringsskifte endå meir truleg og det vil gje oss meir påverknad inn ei regjering. Så det viktigaste er å få han inn på tinget, sa Kjersti Toppe då dei fire øvste på Senterparti-lista deira var i Ølve og helste på Herde Kompositt i førre veke.
– Føler me får god respons på bodskapen vår, og så er det mange som utfordrar oss fordi me er ein trussel for mange no. Me er tydelege på at det viktigaste for oss er å stoppa den sentraliseringa som har pågått i åtte år no. Du ser det på landbruk, politi og mange andre område, sa Nils T. Bjørke,
Annonse
– Det er eit paradoks for oss, for me ynskjer jo å ha Hans Inge i Kvinnherad for å jobba godt her, men for Kvinnherad og bygdene betyr det ganske mykje å få ein til på Stortinget. Det gjer oss betre i stand til å kjempa for det me har i distrikta, la Bjørke til.
