Vidar sykla inn til sølv på tjukksykkelen
Vidar Mehl feira 35-årsdagen med å sykla inn til sølv i Mattila Fatbike Marathon laurdag.
Publisert
Sist oppdatert
Det vart uhyre spennande då Vidar Mehl kjempa om gullet i dei svenske, snødekte skogane i helga som var. Etter 27 kilometer på tjukksykkelen tråkka omvikdelingen, som feira 35 år denne helga, inn til ein andre plass i Mattila Fatbike Marathon.
Han kryssa mållinja på tida 1.05.28 og var med det berre fem sekund unna gullet. Likevel var det ein nøgd 35-åring som feira sølvet.
Annonse
– Gøy å feira 35-årsdagen med startnummet på sykkelen igjen. Fatbike i strålande vintervêr i dei svenske skogar. Andre plass bak ein sterk Albin Rimås og med lagkamerat Odd Erlend Hansen Berg på tredje, skriv Vidar Mehl på Instagram.
