-Vi kan stå saman på tvers av politikken

– Ein treng absolutt ikkje vera medlem i SV eller støtta politikken vår for å vera med. Dette er eit arrangement for alle som vil visa solidaritet med det som skjer i Ukraina og på Gaza, fortel ho, og legg til;

– SV er opptekne av å skapa folkeengasjement, og vi er også eit fredsparti. Det er viktig for oss å laga arrangement av denne sorten for å visa solidaritet med dei som opplev og må flykta frå krig.

Med seg på markeringa får dei leiar i Norsk Folkehjelp Sunnhordland Susan Abdallah, som sjølv er frå Palestina, og Khatouna Guordjidze frå Ukraina. Dei to skal begge halda ein appell.

– Norsk Folkehjelp Sunnhordland tek med seg nokre effektar og ei smakeprøve av palestinsk mat. Vi i SV tek med kaka og kaffi, og så kan folk kvippsa det dei vil, fortel Nordtveit Olsen, og legg til;

– Det skal vera eit arrangement for alle, også barn. Det skal vera mogleg å delta sjølv om ein ikkje har så god økonomi.

Arrangementet skje i Festsalen på Husnes, og passar for alle.

Camilla Øvstebø, Rune Eikemo og Mari Bjelland held musikalske innslag, og Mona Vetrhus les dikt.

Markeringa vert avslutta med tenning av lys.