– Vi er kome for å bli

– Vi har vore ganske spente. Vi fekk gode målingar i sommar, men var jo litt usikre på korleis det ville gå likevel fortel ordførarkandidat for INP Jostein Rødland.

Rødland kan avsløra at partiet har hatt nokre forventningar, om enn litt lågare enn naudsynt.

– Det er fyrste gong INP stillar til lokalval, og for eit nytt parti er det bra så stor oppslutning, konkluderer han.

Partiet har fått mange gode tilbakemeldingar frå folk i Kvinnherad, og fortel til Grenda at dei er eit parti som har kome for å bli.

– Vi treff ei målgruppe som kanskje ikkje føler at dei har funne seg eit parti tidligare. Då er det ekstra kjekt at så mange røyster på oss, seier Rødland.

Korleis ser dei neste dagane ut, har dykk lagt nokre planar?

– Vi skal ha eit strategimøte med leiinga i morgon, før vi avgjer noko. Vi er jo nye i faget, så vi må roa oss litt ned, tenka oss om og sjå på moglegheitene, fortel Rødland.