Vestlendingane handlar meir til jul i år

I ei pressemelding frå Virke, som er handels- og tenestenæringane sin hovedorganisasjon, kan ein sjå at kjøpelysta til jul er større i år enn den var i fjor. Auken gjeld heile landet, men ei oversikt over dei ulike landsdelane viser at også Vestlandet hadde ein vekst på 6,8 prosent.

– Julehandelen i år har starta sterkt, med solide resultat under Black Week. Dette samsvarar med forventningane våre, om at kjøpekrafta til nordmenn har betra seg, og at optimismen er aukande. For mange butikkar, spesielt dei som har hatt nokre tøffe år, er dette svært positive nyheiter. Julehandelen vil vera ekstra viktig for dei i år, uttalar Runar Wiksnes, som er sjefsanalytikar i Virke, i pressemeldinga.

Tar ein med serverings-, service- og tenesteytande næringar, auka omsetningen på kjøpesentra med 6,9 prosent i veke 47 og 48, mot same periode året før.

Utvikling per butikkhandelsbransje, samanlikna med fjoråret:

• Hus og heim: Vekst i omsetning på 11,4 prosent.

• Spesialbutikkar: Vekst på 6,4 prosent.

• Klede, sko og vesker: Vekst på 5,5 prosent.

• Mat og drikke: Vekst på 3,0 prosent.

Utvikling per landsdel, samanlikna med fjoråret:

• Austlandet: Vekst på 7,0 prosent.

• Trøndelag og Nord-Norge: Vekst på 6,9 prosent.

• Vestlandet: Vekst på 6,8 prosent.

• Sørlandet: Vekst på 5,7 prosent.

Tala er basert på omsetningstal Virke har fått frå 224 kjøpesenter rundt omkring i landet.