Fredag 01. desember spela Uskedalen musikklag som vanleg opp til den høgtidlege stunda då lysa skulle tennast. Diverre så var det så kaldt at dei såg seg nøydde til å trekka innomhus, slik at dei som stod ute for å få augneblinken me seg diverre ikkje fekk høyra dei tradisjonsrike tonane.
Ute kunne ein nyte kaldt og vakkert vintervêr medan ein fekk eit glimt av Børsdalsnissen også. Vart det derimot for kaldt kunne ein finna vegen inn i Helgheim for både å få att varmen, kjøpa seg ei varmande skål med velsmakande graut eller gå på jakt etter vakre heimelaga julepresangar blant standane i salen oppe.
Annonse
Ei vellukka og hyggjeleg julegranstenning vart det jammen meg i år også.
Inne i Helgheim hadde fleire lokale aktørar stilt opp med stand for å syna fram og lokka med varene sine, noko som på mange måtar vart ein stor suksess.Karoline Gjerde Eik
Tradisjonen tru spela Uskedalen musikklag opp til fest- og julestemning også i år, men denne gongen innandørs sidan gradestokken synte friske minus 7 ute.Karoline Gjerde Eik
Nede i kjellaren kunne ein kjøpa seg ei god og varmande skål med graut, men her var det om å gjera å vera kjapp. For trass i at desse damene hadde kokt opp store mengder graut, var det etter knappe halvannan time allereie tomt. Til fleire sin store skuffelse. Frå venstre: Anita Enæs, Magnhild Haugland, Maren Haugland Gundersen og Karin Tungesvik.Karoline Gjerde Eik
Etter at ein hadde fått med seg både tenning av lys, nissen, julegåvehandling og, dersom ein var heldig, litt graut, kunne ein så ta turen ned til kyrkja for å få med seg Singing Tweens sin svært så koselege minijulekonsert.Karoline Gjerde Eik
