Administrerande direktør Anders Hovland og styreleiar Petter Steen jr. er godt nøgde med at ein har klart å snu den økonomiske kursen i Helse Fonna, men understrekar at det framleis står mykje arbeid att før ein kan friskmelda økonomien.

Vedtok eit budsjett i pluss

Etter fleire år med store underskot og vanskelege budsjettprosessar, forventar Helse Fonna eit overskot i 2025.

Morten Nygård
Journalist
Publisert Sist oppdatert

På måndag gjennomførde Helse Fonna årets siste styremøte. Då vedtok dei budsjettet for 2025, og der legg ein opp til inntekter på 4,9 milliardar kroner og eit årsresultat på 10 millionar kroner.

– Føretaket har mykje betre økonomiske føresetnader for å kunne ha fagleg og økonomisk berekraftig og utvikling no med betre styring av økonomien i føretaket. Det er likevel viktig å halde fram med det gode arbeidet som pågår i heile føretaket, seier administrerande direktør Anders Hovland i ei pressemelding.

Sjølv om det i budsjettet er lagt opp til at ein skal enda med 10 millionar i pluss på botnlina, så er det likevel ein del risikofaktorar. Blant anna lønskostnader, rekruttering og vaktberedskap, varekostnader, sjukefråvær, gjestepasientar og sjukefråvær.

Helse Fonna skal neste år investera 538 millionar kroner i bygg, medisinteknisk utstyr og IKT. Mesteparten av dette, nærare bestemt 453 millionar, går til byggjetrinn 2 ved Haugesund sjukehus. 35 millionar kroner er til andre bygg rundt om i føretaket.

nyhende medisin og helse haugesund valen
Powered by Labrador CMS