Trass i vekslande mengder regn gjennom heile sundagen var det ein glad og ivrig gjeng med langrennløparar i alle aldrar som stilte til start og som heiagjeng kringom løypa oppe i Tveitedalen.

Vått, men godt i Tveitedalen

Sundag føremiddag gjekk det tredje karusellrennet av stabelen inne i Tveitedalen.

Journalist i Grenda
Publisert

Trass i sipe vêr og vassent føre, var det stemninga god og humøret på topp hjå både deltakarar og tilskodarar kringom løypa.

Inne på rennkontoret stod Julie Holmedal Askeland og sørga for at alle visste kor dei skulle vera, kva dei skulle gjera og at ting gjekk som smurt.

– No er det god stemning her, men me var litt spente i går med tanke på at det er litt lite snø. Mannskapet her har jobba hardt for at alt skulle bli klart, og det måtte ein del spadetak til for å få nok snø. Me enda faktisk opp med å henta inn ekstra snø for at løypa skulle bli klar, fortalde Askeland.

– No ser det derimot bra ut, det er berre mest her oppe rundt mål at det er litt lite, la ho til.

Det var ein liten men engasjert heiagjeng som stod rundt mål og tok i mot utøvarane.

Ingen pausar

Klokka tolv sette barnerennet i gang, medan resten av klassane frå 8 år og oppover måtte vente til klokka eitt. Når klokka omsider var der stod dei yngste løparane ivrige ved startstreken, deretter gjekk det slag i slag heilt til siste mann var sendt av garde.

Ute i løypa stod 8-år gamle Krister og snart 7-år gamle Sanna og såg på dei som framleis var ute og gjekk, sjølv var dei ferdige med sine renn.

– Det var kjekt og det gjekk greitt å gå, men det var litt vått, konstaterte dei smilande begge to.

Mamma Inger fortalde at dette var fyrste gong dei var med noko slikt i Tveitedalen.

– I og med at me bur i Omvikdalen tek me som regel heller turen til Fjellhaugen, men det var kjekt å prøva ein ny plass, sa ho.

Oppe ved målgang etter eit vel gjennomført løp var dagens to raskaste menn, Isak Solli Søllesvik og Håvard Pedersen, godt nøgde med eigen innsats.

– Det gjekk bra, Eg har god teknikk på klassisk og staking spesielt. Området her er mi hola så eg kjenner løypa godt. Mange trur at det er ei lett løype, men problemet er at du får ingen pausar. Ho er tøffare enn ho ser ut til, sa Pedersen.

– Ja, eg trudde det kom til å bli lett, men det gjorde det ikkje, la Søllesvik til.

Vidare fortel ein godt nøgd Pedersen at han endeleg vart slegen av den yngre skiskyttaren Søllesvik.

– Det har vore målet i mange år, og eg har tenkt at no må det koma nokon, understreka han.

Diverre for Søllesvik kan ein lesa av resultata at Pedersen fullførte løpet 2 minutt og 23 sekund raskare enn skiskyttaren. Me ynskjer begge to lukka til ved neste høve for revansj.

Her fylgjer deltakarane frå barnerennet:

Elida E.Stensletten

Torvald Natås Holmedal

Johan Heien

Magnus Heien

Sunniva Blokkum

Maria Bjelland Røssland

Vegard Bjelland Røssland

Malene Eide Holmedal

Luka Milenkovic

Sara Milenkovic

Nedanfor fylgjer resultata frå klassisk-rennet:

Isak Solli Søllesvik (t.v) og Håvard Pedersen (t.h) var godt nøgde etter målgang. Søllesvik var derimot noko overraska over utfordringa løypa gav.
Krister (t.v) og Sanna (t.h) tykte det var kjekt å gå, trass i at løypa var litt våt.
David Holmedal klar til start i klassen G13-14
Håvard Pedersen i god stil i kampen om å behalda einarplassen gjennom løypa som han kalla «si hole».
Amalie Sundal Utne skaut ut frå start i klassen J11-12.
Anna Emilie Ølfarnes hadde ingen problem med det våte føret der ho smilande suste av garde.
Tobias Skåla hadde fin stil då han sette av stad på sin runde.
Steinar Lillevik smilte blidt på veg ut frå start.
Isak Solli Søllesvik for som ei kula ut frå startstreken i jakta på beste tid.
Her kjem Åsmund Mehl og Iver Blokkum i frisk driv opp siste bakken før mål.
Yngvar Skarveland og Vidar Ølfarnes var to av dei friviljuge som var med og sytte for at rennet gjekk smertefritt for seg. – Det er veldig god stemning og alt har fungert som det skal. Me får fokusera på det som er bra, konkluderte Ølfarnes med eit lite stikk til det evinnelege regnet.
ski nyhende
Powered by Labrador CMS