Vart rundspelte i Trondheim

Det vart nok ikkje Johnny Furdal sin kjekkaste augneblink på fotballbanen. Viking var nemleg fullstendig sjanselause mot Rosenborg på Lerkendal laurdag ettermiddag. Heimelaget har verkeleg funne storformen, og gav seg ikkje før det stod 5-1 på tavla, men sigeren kunne - og burde - vore endå større.

Einaste perioden med litt spenning var rett før pause, etter at Viking reduserte til 2-1. I andre omgang var det derimot aldri tvil om kven som kom til å vinna.

Viking kan likevel vera godt nøgde med sesongen så langt. Dei fyrste 14 kampane har resultert i 19 poeng og ein 8. plass på tabellen.

Johnny Furdal spelte 73 minuttar av kampen på Lerkendal.