Varsel om prikktildeling
Spar-butikken på Hatlestrand risikerer å få tildelt ein prikk på salsløyvet sitt grunna plassering av alkoholhaldige produkt.
I alkoholforskrifta §3-3 står det at «ved kommunal bevilling for sal av alkoholhaldig drikk gitt til andre enn Vinmonopolet, skal slik drikk plasserast på salsstaden på ein slik måte at den ikkje kan forvekslast med alkoholfri og alkoholsvak drikk».
Etter salskontroll den 06. april syner rapporten brot på alkoholforskrifta §3-3. I eit brev frå kommunen kan vi lesa at «Alkoholforskrifta §10-3 siste avsnitt fastset at det skal gjevast 1 prikk for «brot på krav om plassering av alkoholhaldig drikk på salsstad, jf. §3-3».
Artikkelen held fram under annonsen.
Sjølv om avviket er ordna i ettertid, legg kommunen til grunn situasjonen slik den var under kontrollen.
Dersom summen av prikkar kjem opp i 12 i løpet av to år, blir løyvet inndrege i ei veke.