Varehuset Rosendal feira seg sjølv
Laurdag feira Varehuset Rosendal 15 år med kake, kaffi og stands, og Grenda stilte sjølvsagt med konkurransar for både store og små.
Tok du turen innom Rosendal eller varehuset laurdag, så var du langt i frå åleine. Med både jubileumsfeiring og minicup, krydde det av folk i bygda denne vakre haustdagen.
Like innom døra på varehuset hadde Grenda sett opp sin stand der ein kunne bli med i konkurransar om gjæve og velsmakande premiar, eit gåvekort på 1000,- på sportsbutikken og to stappfulle krukker med snop.
Annonse
Store og små
Dei vaksne skulle gissa på kor tung ei innpakka øskje var, og svara dei varierte stort. Spriket gjekk heilt i frå 3,85kg til 28,5kg.
Fasiten derimot var på 7,68kg, og næraste giss var det Oddvar Haugsbakk som kom med på 7,7kg. Gratulerer så mykje med gåvekortet.
Dei yngste kunne også få prøva seg med å gissa kor mange bitar med snop som låg i krukkene. Også her sprika svara, men fasiten konkluderte med at det var 346 bitar i begge krukkene til saman.
Annonse
Næraste giss kom frå Ulrik Kambe Måkestad frå Rosendal med 343. Det var to andre som tippa 350, men sidan Ulrik var nærast er det han som fekk stikke av med heile skatten. Gratulerer så mykje, og me vonar at helga blir særs smakfull.
