Varaldsøy straumlause - og får ferjeforseinkingar (oppdatert)

BKK melder om pågåande straumstans på Varaldsøy.

I følgje deira nettsider er 136 kundar råka av straumstansen på Varaldsøy. Straumstansen gjer det også vanskeleg for Fjord1 å leggja til med ferja, og har varsla at det må påreknast forseinkingar på sambandet som følgje av straumstansen.

– Ferja vil gå til og frå Varaldsøy, men det må framleis påreknast forseinkingar i sambandet, då ferja brukar lenger tid ved anløpa, grunna straumbrotet, melder Fjord1.