Varaldsøy-drapet: Dømt til 15,5 år i fengsel
Den 48 år gamle mannen som var tiltalt for drapet på Renate Strand Normann (42) fekk dommen 22. juni.
Publisert
Sist oppdatert
Mannen vart dømt i Haugaland og Sunnhordland tingrett til 15,5 år i fengsel etter overtreding av Straffeloven § 275 og av Straffeloven (1902) § 219 første ledd.
Førstnemnde gjeld drapet på Renate Strand Normann, medan sistnemnde paragraf gjeld for grov eller gjentatt mishandling av sin tidlegare sambuar.
Annonse
Dødelege slag mot hovudet
22. april i fjor vart Renate Strand Nordmann funne død på Varaldsøy. Same kveld arresterte politiet ein mann og sikta han for drap.
Mannen har vore tiltalt for å ha slått Normann gjentatte gongar i hovudet med ein trestokk. Slaga skal ha medført så store skada på Normann at ho døydde kort tid seinare av skadane.
Mannen har erkjent straffskyld for grov kroppsskade, men ikkje for drap. Dommen han no har fått er tett opp mot det aktor Benedikte Høgseth ba om under sin prosedyre i rettsaka den 17. juni, nemleg 16 års fengsel.
Annonse
Fleire skjerpande moment
I retten er straffeutmålinga basert på følgjande:
«Tiltalte blir domfelt for eit drap som ikkje ber preg av planlegging, men som utslag av den tiltalte sin manglande impulskontroll og evne til å styre sinnet sitt. Sjølve drapshandlinga er utført med fast forsett, der tiltalte openbart valte å ta i bruk stokken som låg på eigendommen hans for å påføra avdøde dei dødelege slaga.»
Retten fann ingen formildande omstende knytt til drapshandlinga.
Utgangspunktet for straffutmåling for drap etter rettspraksis er 12 års fengsel, kor skiljet mellom forsettleg og overlagt drap blir avgjort på grunnlag av kva skjerpande moment som ligg føre.
I denne saka har graden av planlegging vore eit vesentleg moment i straffeutmålinga, til liks med omfanget av valdsutøving, foranledninga for valdsbruken.
Annonse
Oppreising til dei etterlatne
Dei etterlatte har også kravd oppreising. Etter skjønn har oppreisinga blitt fastsett til 225.000 kroner for kvar at dei etterlatne.
48-åringen sin forsvarar Jørgen Riple sa etter at dommen var kjend at han ville gå gjennom denne med sin klient, og at dei ville vurdere å anka.
– Me er skuffa over lengda på straffa, og håpa at straffa skulle bli betydeleg mindre, sa han til Bergens Tidende då dommen var avsagt.
