Var aleine i køyretøyet

Politi og brannvesen måtte måndag kveld rykka ut til ein bilbrann ved innløpet til Halsnøytunnelen, på Sunde-sida.

– Det var ein bil som var i bruk som byrja å ryka og brenna medan han køyrde. Bilføraren skulle i utgangspunktet opp til staden der det byrja å brenna, opplyser Torgeir Fosse ved Kvinnherad politistasjon.

Bilen vart sløkt på ein grusplass som tidlegare har vore nytta til lagring av steinmassar etter bygginga av Halsnøytunnelen, like ved rundkøyringa i enden av tunnelen.

– Det er ingen personskade etter brannen. Bilføraren var aleine i bilen, og det var ikkje ei dramatisk hending slik det blei, men me opprettar uansett sak, sluttar Fosse.

Til Sunnhordland har Fosse stadfesta at bilføraren prøvde å sløkka brannen sjølv før Kvinnherad brann og redning kom til staden.