Vanskelege arbeidstilhøve etter brannen på Sunde
Måndag kveld denne veka braut det ut brann i eit bustadhus på Sunde.
Dette meldte 110 Vest på X klokka 17.45 måndag kveld.
– Det er tjukk røyk som veltar ut, og me kan sjå at det er flammar inne i huset, sa Jarle Håvik som var på plassen då hendinga skjedde.
Annonse
Kvinnherad brann og redning rykka ut med mannskap og bilar frå fleire stasjonar for å få kontroll over brannen.
– Det er ikkje folk inne i huset, meldte 110 Vest kl. 1758.
Det vart starta utvendig sløkking av huset, og klokka 1817 meldte 100 Vest vidare at det var i 1. etasje at det brann og at røykdykkarar gjorde seg klare til innsats.
Uavklart
Annonse
Onsdag ettermiddag fortalde politistasjonssjef Sigurd Børve at dei framleis ikkje veit noko om årsaka til brannen.
– Me har jobba taktisk så langt, og har snakka med både huseigar og folk som bur i nærleiken. Men grunna mykje is og kaldt vêr har me ikkje hatt høve til å gjera åstadundersøkingar endå. Alt er isklumpar, så me må rett og slett sjå det litt an og høyra med krimteknisk i Vest politidistrikt, sa Børve over telefon.
