Vann «Kompani Lauritzen»
Justisministert og sjølverklært rosendeling Emilie Enger Mehl gjekk til topps i den populære realityserien «Kompani Lauritzen».
Publisert
Sist oppdatert
Den profilerte Senterparti-politikaren tok seg heilt til finalen i tv-tevlinga, og var ein av fire som kjempa om sigeren i den siste episoden av serien.
Emilie Enger Mehl tok i fjor sommar heilt pause frå valkampen for å vera med i serien. Likevel vart ho valt inn på Stortinget, og fekk seinare tillit frå Jonas Gahr Støre til å bekle justisministerposten.
Annonse
– Uansett korleis det går. så har eg i alle fall gjort mitt beste, sa ho undervegs i finalen, der navigering med kart og kompass gjennom fiendtleg territorium var oppgåva.
Med det vart Kompanijeger Mehl vinnar av sin andre realitykonkurranse på TV, etter at ho vann «Anno» tilbake i 2014.
– Eg klarar nesten ikkje å ta det innover meg. Denne dagen har vore heilt sjuk; vi har hoppa i fallskjerm, køyrt pansra køyretøy og blitt tekne til fange. Og så vann eg til slutt – det er jo heilt absurd, seier ho til TV2 om avslutninga.
Utruleg respekt
Annonse
Ho trur erfaringane ho har hausta under innspelinga vert verdfulle i hennar daglege virke. Samstundes gjev ho sterk ros til dei som jobbar i Forsvaret.
– Alt eg har lært her kjem eg til å ta med meg. Menneska eg har møtt, mot som eg har fått testa, og alle kjenslene knytt til det å vera i eit fellesskap. Det er veldig viktig. Og så får ein utroleg respekt for dei som faktisk er i Forsvaret og gjer ein jobb for landet vårt. Det er berre ein brøkdel av det dei driv med som vi har opplevd. Ein får så mykje respekt for dei; kor modige folk er, og kor mykje dei gjev av seg sjølve for alle – for fellesskapet vårt, seier 28-åringen til tv-stasjonen.
