Valt inn i Heimevernsnemnda
Kvinnherad kommune har to representantar med personleg vara i Heimevernsnemnda for distrikt 09.
Publisert
Saka var oppe i kommunestyret 30. november. Heimevernsnemndene skal oppnemnast av Heimevernet, men kommunane har høve til å stilla med inntil to representantar. Nemndene kan gje uttale og råd om kven som er skikka til teneste i Heimevernet.
Heimeverninstruksen set opp reglar for val av representantar til nemndene.
Annonse
«Alle representantar skal ha personlege varamedlem, vera blant kommunestyremedlemmene, oppnemnast for fire kalenderår frå 1. januar året etter kvart kommuneval, ha plettfri vandel og må underteikna ei erklæring om teieplikt. Kravet om kjønnsbalanse gjer at kommunestyret må velja éi kvinne og éin mann som faste representantar, det same for vararepresentantane», heitte det i saksutgreiinga.
Kommunestyret gjorde samrøystes følgjande val:
Kvinner, fast: Julie Holmedal Askeland (Sp).Vara: Heidi Bolette Jakobsen (INP).
Menn, fast: Geir Dolonen-Marthinussen (Sp). Vara: Tobias Selmer Broks (Ap).
