Vaksinerte 550 på torsdag - datoar for drop-in klare

Torsdag var det drop-in for vaksinering i Rosendal, med godt oppmøte.

– Det var 550 frå 11 på formiddagen til utpå ettermiddagen. Det var stort sett fullt i salen, veldig få avbestillingar. Me hadde drop in, der var det stor kø, forklarer Ellen Korsvold i vaksineteamet som var i sving på torsdag.

– Det er fleire aspekt som truleg påverkar pågangen. Det er mogeleg at omikron-varianten spelar inn for folk, at ein går ned til 45 år for tredje dose, at ein kuttar ned tida mellom dosane til 4,5 månader kan ha litt å seia og så skal ein ikkje sjå vekk i frå at reiselyst påverkar pågangen, analyserer Korsvold.

Tre dagar Drop-in

Under ei orientering frå kommuneleiinga på tysdag vart det informert om at Kvinnherads har fått rikeleg med nye vaksinedosar, og at dei jobba med å finna datoar for drop-in-vaksinering. No er desse datoane spikra. 20. og 27. desember blir det drop-in på Husnes, medan det blir mogeleg å få vaksinen i Rosendal 28. desember i.

– Me er kjempeglade for alle som kjem og tar vaksine. Torsdag kom det også fleire som skulle ha 1. og 2. dose av koronavaksinen, seier Korsvoll.

Helsestasjonane skal ha vaksinering for dei under 15, og skal i gang med 12-åringane etter nyttår.