– Utruleg jamn semifinale
Dei tre finalistane i Årets Avløysar 2022 er klare.
Publisert
Sist oppdatert
Ingri Øvstebø Helleland frå Omvikdalen var ein av ni semifinalistar til den gjæve tittelen Årets avløysar.
27-åringen frå Omvikdalen har vore landbruksvikar sidan 2018 og har på desse åra utmerka seg så godt hjå bøndene innanfor Norske Landbrukstenester Folgefonna sitt område at ho vart røysta fram til semifinalen i kåringa.
Annonse
Den 5. oktober stoppa røystinga, og få dagar etter kunngjorde Norske Landbrukstenester (NLF) kven dei tre finalistane var.
«Desse tre er Marina Fredheim frå Landbruk Nord i Troms og Finnmark, Britt Elena Wollan frå Landbrukstjenester Fosen i Trøndelag og Line Hallingen frå Helgeland Landbrukstjenester i Nordland», skriv NLT på nettstaden sin.
Vinnaren blir offentleggjort og høveleg heidra under NLT si haustsamling 26. oktober.
