Uroa for manglande støtte til næringslivet
Straumprisane og skjenkestoppen er til bekymring for store og små aktørar i næringslivet.
Publisert
– Skjenkestoppen må avsluttast no! Situasjonen er katastrofal innan publikumsretta næringar som servering, kultur og reiseliv. Skjenkestoppen må snarast avsluttast. Næringslivet må òg kompenserast for straumrekningar som har auka med meir enn 50 prosent, seier næringslos Forde Hetlevik.
Han repeterer med det hovudbodskapen frå Næringsalliansen, som representerer meir enn 3000 bedrifter og 150.000 arbeidsplassar i heile Vestland fylke. Ei stor medlemsundersøking mellom desse fortel om svært store skilnader. Undersøkinga viser at nye nedstengingar og høg straumpris er mellom dei største utfordringane for medlemsbedriftene akkurat no.
Annonse
– Me har fått uromeldingar frå våre medlemmer om dei stadig aukande straumprisane. Det skaper store problem for næringslivet i Kvinnherad, seier Heltevik som har sendt ei bekymringsmelding til ordføraren i Kvinnherad om saka.
– Dei høye prisane skaper store problem for næringslivet i kommunen, og kjem på toppen av ein allereie pressa situasjon for mange på grunn av Covid-19. Det må koma på plass ein kompensasjonsordning til næringslivet på straumprisane, slik det har for privatkundar. Ordføraren gav oss tilbakemelding om at det umiddelbart gjekk ein e-post til regjeringa i saken anledning. Eg er også uro for dei få skjenkestadane me har i kommunen. Me har ingen å mista, og no er det kritisk for disse, sluttar Hetlevik.
