UP Vest: Skreiv ut nesten 14.000 førelegg for fart og mobilbruk
UP i Vest politidistrikt skreiv ut svært mange forenkla førelegg for høg fart og mobilbruk i 2024. Også talet førarkortbeslag var høgt. – Overraskande at auken er så stor, slår politiet fast.
Publisert
Sist oppdatert
Førebelse tal frå Statens vegvesen viser at 90 personar mista livet på vegane i Norge i 2024. Det er 20 færre enn i 2023, då dødstalet enda på 110.
«Kun i 2021 har talet vore lågare i moderne tid, med 80 omkomne, men 2021 var eit korona-år og derfor nokså spesielt. I Vestland omkom 6 personar i trafikken i 2024 mot 14 i 2023», opplyser Utrykkingspolitiet distrikt Vest i ei pressemelding.
Annonse
Dei slår fast at også 90 dødsfall er altfor mange.
«I tillegg vart svært mange hardt skada i trafikken i 2024. Dei endelege tala for hardt skadde i 2024 er enno ikkje klare, men Statens vegvesen estimerer med over 600 drepne og hardt skadde. Høg fart, rus og uoppmerksemd er framleis dei største risikofaktorane bak dei alvorlege ulukkene», står det i meldinga.
Mykje fortare
Statistikken for UP i Vest politidistrikt ser slik ut:
Annonse
2024:
* Forenkla førelegg fart: 12.789
* Forenkla førelegg mobil: 999
* Førarkortbeslag fart: 477
2023:
* Forenkla førelegg fart: 12.906
Annonse
* Forenkla førelegg mobil: 969
* Førarkortbeslag fart: 369
«Som ein ser er talet forenkla førelegg nokolunde stabilt, men det er overraskande at auken i førarkortbeslag er så stor. Det har ikkje vore auka kontrollaktivitet som kan forklara auken, og den generelle hastigheita på vegane går ned, så det er dessverre nokre få som køyrer mykje fortare enn tillate», skriv UP, som påpeikar at dei aller fleste held fartsgrensene og følgjer trafikkbiletet.
Ynske for 2025
UP Vest legg fram nokre ynske for 2025.
* At færre køyrer av seg førarkortet. «Keep calm and slow down».
Annonse
* At ein koplar mobilen til bilen sitt handfrisystem eller annan berbar handsfree, og lar telefonen så stå urørt i haldar eller midtkonsoll.
* At ein køyrer utkvilt og edru, og har fokus på køyringa.
* Fleire kan bli flinkare til å sleppa forbi køyretøya bak. Då hjelper ein til med å unngå forbikøyringar.
* Sjølv om bilen framfor deg køyrer seinare enn det du sjølv meiner er forsvarleg lovleg hastigheit, har du alltid eit 100% ansvar for å føreta sikker forbikøyring.
* At ein brukar blinklys aktivt, til dømes til venstre om ein ikkje skal rett fram i ei rundkøyring.
* Viss ein ikkje pressar seg inn i ein kø og nyttar flettefelta heilt fram, så blir trafikkavviklinga smidigare.
