Unormalt mange vil ha pass

I ei pressemelding 28. april gjekk politiet ut med denne oppmodinga. Den unormalt høge etterspørselen gjeld også for nasjonale ID-kort.

Ein av grunnane til den høge etterspørselen er at mange ikkje har fornya passa sine dei to siste åra grunna pandemien. Når det no igjen er mogleg å reise utanlands, er det også fleire som treng å fornya passet sitt.

Ein annan grunn er knytt til den faktiske produksjonen av passa.

«I tillegg til den høge etterspørselen er produksjon og transport av materialar sterkt påverka av både pandemien og krigen i Ukraina. Begrensa tilgang på enkelte materialar og lange leveringstider gjer det vanskeleg for leverandøren å justere opp sin produksjonskapasitet på kort sikt. Dette er ei global utfordring, og mange andre land har også betydelag auke i leveringstida.» opplyser Politiet vidare.

Oppmodingane frå politiet er desse:

Politiet vil i perioden fram til 1. juli tilby søkjarane å kun søkja om eitt dokument: anten eit pass eller eit nasjonalt ID-kort.

Vi ber personar som har eit pass som ikkje går ut før utgangen av september 2022, og ikkje skal reise til eit land som krev utvida gyldigheitstid, om å vente med å søkja til etter 1. august.

Vi oppfordrar alle som skal reise innanfor EU/EØS-landa eller til Sveits om å søkja om eit nasjonalt ID-kort med reiserett.