Ulukke i Folgefonntunnelen

«Ein bil har køyrd i veggen i Folgefonntunnelen. Nødetatane er på veg mot staden. Tunnelen er stengd», meldar Vest Politidistrikt på X/Twitter kl. 10.45.

Kl. 11.07 skriv Vest Politidistrikt at naudetatane er framme. «Kun førar i personbilen. Han er vaken og bevisst, og vert undersøkt av helse. Bilbergar er bestilt».

«Bilførar vart køyrd til Odda sjukehus i ambulanse, ukjent skadeomfang», skriv dei på X/Twitter klokka 11.17. Bilbergar er straks på staden.

Klokka 11.37 melder Vest Politidistrikt at bilbergar har henta bilen og skadestedet er rydda. Tunnelen er no open for fri ferdsel.

Det vil bli oppretta sak, skriv dei.

Torgeir Fosse ved Kvinnherad politidistriktstasjon kan fortelja at det var Odda-politiet som handterte uhellet, men han kunne fortelja at det handlar om eit einsleg køyretøy med éin person i bilen som kræsja i tunnelveggen rett innafor tunnelopninga på Maurangarsida av tunnelen. Bilen skal ha snurra rundt, og personen er teken med til sjukehus.