«Tryggleik, mangfald og openheit»

Dei overordna målsetjingane i denne planen er følgjande: auka openheit og kjønns- og seksualitetsmangfald, betre levekår og livskvalitet for skeive, samt styrka samarbeid med og støtte til sivilsamfunnet. Visjonen er å nå berekraftsmåla til FN og oppnå full likestilling gjennom inkludering av skeive og like mogleheiter for alle i Noreg. Regjeringa viser til at det finst ein dokumentert samanheng mellom lhbtiq-inkluderande politikk og det generelle nivået på likestilling i samfunnet.

Lhbtiq er ei forkorting for lesbiske, homofile, bifile, transpersonar, personar med variasjon i kroppsleg kjønnsutvikling (interkjønnpersonar) og queerpersoner/skeive.

I oversikta over dei ulike tiltaka i handlingsplanen kjem det mellom anna fram at kunnskapen om kjønns- og seksualitetsmangfold skal aukast og visa att både i arbeidslivet, skulen og helsesektoren. Dette vil mellom anna vise att i nye rettleiarar, ordlister og videoar som skal utarbeidast, kor kunnskapen skal formidlast på ulike språk slik at den vert tilgjengeleg for alle deler av befolkninga.

Dei 46 tiltaka som er lista opp i planen påpeikar mellom anna at Noreg skal bidra til å kartlegge og auke kunnskap – nasjonalt og internasjonalt, betre levekår og likestilling for lhbtiq-personar, samt yte tilskot til tiltak som kan bidra i dette arbeidet.

Handlingsplanen stadfestar også at arbeidet mot diskriminering vil inngå i det norske lovverket. «Innlemme kjønnskarakteristika som diskrimineringsgrunnlag i lovgivningen» er nemleg eitt av tiltaka som er lista opp i planen.