Treng du eit Avbrekk?

Avbrekk er eit arrangement der både bedrifter og private vert oppfordra og inviterte til å stogga opp og ta eit lite pusterom.

– Målet vårt er å levera opplevingar som gjev overskot, perspektiv og inspirasjon, seier arrangør Morten Nilsen i ei pressemelding.

«Konferansival»

Dagen startar med ulike former for rørsle og avspenning, som du sjølv vel mellom. Vidare utover dagen får du med deg fleire føredrag, før det på kvelden blir tid for musikk, underhaldning og låvedans. Det blir også servert både lunsj og middag, står det i pressemeldinga.

– Mat er ein viktig del av opplevinga, og landslagskokken Tore Stalsberg kjem til å servera deilege rettar av sunne og gode råvarer som er både kortreiste og berekraftige, seier Nilsen til Grenda.

– I tillegg kjem også Anders Kråkevik, frå programmet «Søringen og samen», på kvelden for å fortelja om sine opplevingar. Arne Torget kjem også for å treffa oss med sin stuntpoesi og få oss til å reflektera, fortset Nilsen.

Vidare forsikrar han om dei skal levera den beste «konferansivalen» nokon gong.

Føredragshaldarane:

- Atle Vårvik – Motets kraft

- Aina Thunem – Hopp før du tør

- Fredrik Huth Jensen – Fridom på tur

- Sigrun Vårvik – Blømande medarbeidarskap