Treng bøssebærarar
Årets TV-aksjon er sett til søndag 24. oktober. No kan ein melda seg som bøssebærar til Kvinnherad frivilligsentral.
Medan fjorårets aksjon var heildigital, er det i år attende til normalen, der bøssebærarane kjem på døra. TV-aksjonen meiner at den enklaste måten ein privatperson kan engasjere seg på, nettopp er å melde seg til dette arbeidet.
Den 15. september vart det opna for å registrere seg som bøssebærar for årets aksjon, kor inntekta skal gå til Plan sitt arbeid for å kjempe mot barneekteskap.
Artikkelen held fram under annonsen.
Denne kampen er ifølgje Plan viktigare enn nokon gong:
«Kvart tredje sekund blir ei jente gifta bort ein stad i verda. Dette utgjer 12 millionar jenter i løpet av eitt år. Som ein ringverknad av koronakrisa, kan yttarlegare 10 millionar jenter bli gifta bort innan 2030.»
– Ynskjer du å bidra under årets tv-aksjon? Ta kontakt med frivilligsentralen, melder Veronica Thorsen og Anja Thunold.