Denne helga vert det treff for Classiske Motorbåtar på Halsnøy, ved Sæbøvik hamn. Treffet er i regi av CMB foreininga.

Treff for Classiske Motorbåtar

Denne helga vert det treff for Classiske Motorbåtar på Halsnøy, ved Sæbøvik hamn/Halsnøy Kulturhus. Roger Reigstad, medlem av CMB, håpar kvinnheringar tek turen.

Marthe Eide
Publisert Sist oppdatert

Klubben CMB (Classiske motorbåtar) er ei foreining for deg som har ein klassisk motorkryssar eller runabout, eller berre har ein interesse for slike båtar. Klubben vart stifta i 1992, og har i dag i underkant av 150 medlemmer spreitt over heile landet. Dei har aktive miljø både på Østlandet og i Bergensregionen.

Tor Ole Husebø kjem heile vegen frå Stavanger for å delta på CMB treffet. Han er medlem av klubben, og fortel at dette er ein fin måte å møta andre med same interesse på. Han og kona har feriert i trebåten både i Danmark og Sverige denne sommaren.

Gjennom å arrangera treff og medlemsmøte får medlemmane ein moglegheit til å treffa andre med same interesse og lidenskap for båtane, skriv CMB på deira nettside.

– Me pleier å ha slike treff rundt om kring på hausten. I fjor var det treff på Liaskjeret på Sotra, og vanlegvis deltar me på trebåt festival i Norheimsund, fortel Roger frå Halsnøy.

I helga vil det difor liggja flotte trebåtar til kai på Sæbøvik, og Roger håpar folk tek turen.

– Det er ikkje akkurat nokre vanlege båtar, så her er det berre til å koma å kikka, sluttar han.

Båten til Tor Ole er romsleg og flott innvendig. Han syns det er synd at fleire ikkje vil halda på med slike båtar, då det er ein fantastisk hobby.
båt nyhende hobby halsnøy fritid sosiale tilhøve
Powered by Labrador CMS