Tre stenger veg på Baugstranda

Fleire grantre har blese ned over Baugevegen i Matre, melder eining for Veg og park i Kvinnherad kommune.

– Eining for Veg og park vurderer at det er for sterk vind og for mørkt til å opna vegen igjen i kveld. Dei tek ei ny vurdering i morgon tidleg på når arbeid med fjerning av tre kan starta, opplyser Kvinnherad kommune på sine nettsider.

Innbyggjarar som bur i Baugevegen får informasjon på SMS, legg dei til.