Tre personar fall i sjøen – låg i vatnet i 1 time

Klokka 23.13 fredag kveld sendte Fjord1 ut melding om at ferjesambandet Gjermundshamn-Varaldsøy-Årsnes var innstilt inntil vidare grunna redningsoppdrag. Det som hadde skjedd var at tre personar på fisketur hadde falle i sjøen. Alarmsentralen vart varsla om ulukka klokka 23.00.

– Vi fekk melding om at ein båt på 12 fot velta i sjøen i Hestevik ved Hesteviksneset. Ein av mennene reiste seg samtidig som dei blei treft av ei bølgje, og då velta båten, opplyste operasjonsleiar Morten Rebnord i Vest politidistrikt til Bergens Tidende.

Ifølgje politiet låg dei tre personane i vatnet i nærare éin time før dei kom seg på land. Dei tok seg då inn på hytta dei budde på, men grunna at telefonane var blitt våte, tok det tid før dei fekk varsla naudetatane. Ingen av dei tre hadde behov for helsehjelp.