Tre hjortepåkøyrslar i helga: – Det er tida for det no

I løpet av helga har det vore tre tilfelle av nærkontakt mellom bil og hjort.

Politioverbetjent Torgeir Foss ved Kvinnherad politistasjon rapporterer om tre tilfelle av viltpåkøyrslar i helga.

– Laurdag morgon i femtida i Uskedalen, søndag kveld klokka åtte i Herøysundet og ein halvtime seinare i Onarheimslia (også kalla Stripo på folkemunne, journ.merk). Det var mindre skadar på køyretøya, medan hjortane sprang vidare i alle tre tilfella, forklarer Fosse.

Ettersøkslagat vart kopla på i alle tre tilfella.

– Det er tida for slike hendingar no når mørket kjem på, og hjorten søkjer ned til bakkane for å finna mat, sluttar Fosse.