Trafikkulukke på Løfallstrand - lastebil og personbil har kollidert
Naudetatane er på veg til Løfallstrand etter melding om ei trafikkulukke måndag kveld.
Klokka 19.37 meldte Vest politidistrikt om ei trafikkulukke like nord for Hellesøy Verft på Løfallstrand.
– Ein lastebil og ein personbil har kollidert. Airbag er utløyst. Fire personar involverte, alle er vakne og bevisste, skriv Vest politidistrikt.
Artikkelen held fram under annonsen.
Ulukka skal ha skjedd i 50-sona og naudetatane er på veg til staden.
Like etter klokka 21.00 meldte Vest politidistrikt at to av dei involverte var sendt til sjukehus.
– To personar er frakta til sjukehus for kontroll. Store materielle skadar på personbil, skriv dei på Twitter.
Vegtrafikksentralen vest kunne melda at vegen var open igjen klokka 23.20.