Trafikkulukka i Herøysund: – Ungdom på lettmotorsykkel som mista kontrollen
Tysdag føremiddag kjem politistasjonssjef Sigurd Børve med ei oppdatering på trafikkulukka som skjedde på Raudsteinsvegen, ikkje langt frå Amcar Kvinnherad sine lokale, måndag ettermiddag.
Publisert
Sist oppdatert
– Det var ein ungdom, ein ung gut, som kolliderte etter å ha mista kontrollen på lettmotorsykkelen. Det var ingen andre involverte i ulukka, og føraren vart sendt til sjukehus for behandling, seier Børve.
Ulukka skjedde i 80-sona, men etter forholda gjekk det bra.
Annonse
– Det vi kan sei er at det ikkje er snakk om alvorleg personskade, men noko vidare om dei helsemessige forholda kan vi ikkje uttala oss om, held Børve fram.
Politiet opprettar sak for å etterforske årsaka til ulukka, noko som er rutine i saker som endar med personskadar.
