Tok i mot tre gåver
Ho fekk ikkje dei største gåvene, men turen frå Åkra betalte seg likevel godt for Liv Solfrid Øvstebø Berge.
Publisert
Ho er medlem i både Åkra bygdalag og Åkra indremisjonsforeining. Dei tok i mot til saman tre gåver på seremonien til Kvinnheradstiftinga. Bygdalaget fekk 30.000 kroner til fornying av lydanlegget i bygdehuset, som er same lokalet som gymsalen til skulen.
– Dagens lydanlegg er gamaldags. Vi kan ikkje kopla det til mobiltelefon eller Blue Tooth, så det er lite fleksibelt, sa Liv Solfrid Øvstebø Berge til Grenda. Ho la til at nytt anlegg er bestilt, og skal installerast av lydteknikar Torbjørn Storegjerde.
Annonse
Åkra indremisjonsforeining fekk både 25.000 kroner til nytt sikringsskap og 30.000 til varmepumpe. Begge deler skal monterast i bedehuset.
– Varmepumpa er installert, medan sikringsskapet er under arbeid no, opplyste Liv Solfrid Øvstebø Berge.
Sidan dei tre summane alle er på maks 30.000 kroner, har mottakarane blitt kjent med tildelinga tidlegare i år, og såleis kunna starta opp prosjekta sine.
